Joan den azaroaren 4ean sartu zen espetxera, Amurrioko jaietan preso baten panpina ateratzeagatik 2009an jarritako zigorra betearazi ziolako Espainiako Auzitegi Nazionalak. 2017ko otsailean Armiarma operazioan atxilotu zuten, eta auzi hura baliatu zuten kartzelaratzeko. Orduko hartan urte eta erdira zigortu zuten, sare sozialetan "terrorisoma goratzea" egotzita. Horregatik ez zuten espetxeratu, baina horrek ahalbidetu zuen 2009ko zigor epaia berrezartzea.
Azken hilabeteak Basauriko (Bizkaia) espetxean egin ditu Remirezek, eta azken asteetan asteburuko baimenak ere eskuratu ditu. Besteak beste, Iñigo Cabacasen familia babestu zuen Bilboko epaitegietan. Edonola ere, behin betiko askatasuna azaroaren 3an lortuko du.
Egun osoko jaialdia
Amurrion egun osoko egitaraua antolatu dute datorren larunbaterako. Besteak beste herri bazkaria, kalejira eta kontzertuak izango dira.
