Argi Perurena euskal presoa 07:00 aldera utzi dute libre, Rennesko kartzelatik aterata. Hamahiru urte egin ditu giltzapetuta, ETAko kide izatea egotzita.
Frantziako Kondenaren Aplikaziorako Epaitegiak baldintzapeko askatasuna onartu zion Perurenari, iragan urtarrilaren 23an. Fiskalak erabakiaren aurkako helegitea jarri zuen ordea, eta azken erabakia hartu bitartean, presoak espetxean jarraitu zuen.
Perurenak 2012an eskatu zuen aurreneko aldiz baldintzapeko askatasuna, horretarako legeak eskatzen dituen baldintza guztiak betetzen zituelako. Orduan, ordea, ez zioten eman askatasun hori.
