Frantziako justiziak Euskal Herrira gerturatu zituen presoetako bat izan zen Raul Aduna. Martxoan izan zen hori. Ordura arte, Poitiers Vivonneko espetxean egon zen, etxetik 550 kilometrora. Geroztik, Mont-de-Marsanen egon da. Gaur goizean, berriz, Espainiako mugara eraman du Poliziak. Bost urte eta lau hilabeteko zigorra bete du.
Aduna 2013ko maiatzean atxilotu zuten, Frantzian, Julen Mendizabalekin batera. Aurrez ezkutuan bizi izan zen Aduna, 2001etik. Auzitegiek sei urteko kartzela zigorra ezarri zioten.
