Eusko Jaurlaritzako Segurtasun Sailak jakinarazi duenez, Donostiako Amara auzoan atxilotu dute gizonezkoa, emakume bati mehatxu egitea egotzita.
Genero-indarkeria kasu baten berri izatean, gertakarien lekura joan dira ertzainak. Emakumea kalean zegoen, eta gertatutakoaren berri eman die poliziei, baita mehatxu egin dion gizona etxean zegoela esan ere.
14:30ean, atxilo eraman dute gizona, eta anbulantzian eraman dute emakumea, antsietateak jota. Gero, ordea, Ertzaintzak libre utzi du, iritzita haren aurkako salaketak ez duela funtsik.
