Atxiloketak
Aske utzi dute Jon Anda gasteiztarra, batere fidantzarik ordaindu gabe
Askatasunak jakinarazi duenez, iragan otsailaren 19an Ertzaintzak atxilotu eta Espainiako Auzitegi Nazionalak espetxera bidalitako Jon Anda gazte gasteiztarra aske utzi zuten atzo. Inolako fidantzarik ez diote ordainarazi askatasunaren truke.
'Molotov koktel' bat jaurti zuela leporatu zion Ertzaintzak Andari, eta horregatik atxilotu zuten. Bi egunez Ertzaintzaren esku egon ondoren, Madrilera, Espainiako Auzitegi Nazionalera eraman zuten deklaratzera. Espetxeratzeko agindua eman zuen epaileak, eta harrezkero, atzo libre utzi zuten arte, Soto del Real eta Aranjuezko kartzeletatik igaro da.
Iruzkinak
Ez dago iruzkinik
Ordenatu
