Asteazkenean hasiko dira zuzenketak aztertzen

EAJk eta PSOEk zuzenketak aurkezteko epea amaitu arte negoziatu zuten trenbide sare berria. Fase horretan ere adostasuna lortu zutela berretsi du EAJk, baina, dena den, El Pais egunkariak atzoko alean ohartarazi zuen negoziaketa okertu egin zela Izquierda Verdek eskatu zuelako trenbide sare normala hobetsi behar zela Abiadura Handiaren kaltean. Datorren asteazkenean hasiko dira zuzenketak aztertzen. Orduan jakingo da aurreakordioa gauzatzeko moduan den edo proiektuak hamaikagarren arazoa topatuko duen.