Astelehenean erabakiko dute Diezek aske jarraituko duen

Espainiako Auzitegi Nazionalak hamar urteko zigorra jarri dion arren, baldintzapean libre dago Rafa Diez Usabiaga, ama zaintzeko baimen bereziarekin. Orain, egoera aldatu egin da, eta auzitegiak erabaki egin behar du Diezek libre jarraituko duen edo ez. Astelehenean egingo dute horretarako auzi saioa. Terrorismoaren Kontrako Ahotsak herri akusazioak Diez espetxeratzeko eskatu du dagoeneko. Auzitegi Nazionaleko Fiskaltzak ez du argitu zer eskatuko duen, baina berri agentziei gogora ekarri die beti babestu izan duela Diez preso edukitzeko aukera eta LABeko idazkari nagusi ohia libre ateratzearen kontrako jarrera duela. Hura da zigortutako bost lagunetatik libre dagoen bakarra.