Nafarroan ingurumenaren kalitatearen indizea balekoa bada ere, Araban, Bizkaian eta Gipuzkoan "urria" dela ohartarazi du Greenpeacek. Ingurumenak dituen mehatxuen artean, aipatu ditu, besteak beste, erregai fosilen alde instituzioetatik bultzatutako ekimenak, besteak beste, Bizkaiko kostaldearen parean hidrokarburoak bilatzeko onartutako azterlanak, eta fracking-aren inguruan ikerketak egiteko baimenak. Aldi berean, Petronorren Muskizko findegiak dakarren arriskua gogoratu du: "Planta hau hondamendi bat da ingurumenarentzat eta euskal kostaldearentzat, eta arriskuan ipintzen du pertsonen osasuna".
Ingurumenaren erradiografia soziala Araban, Bizkaian eta GIpuzkoan http://t.co/4O9Ccivdv0@GreenpeaceEUSpic.twitter.com/JCJPuq3UKT
— Berria.eus (@berria) June 3, 2015Ingurumenaren erradiografia soziala Nafarroan http://t.co/4O9Ccivdv0@greenpeaceNapic.twitter.com/oXXnTtbg84
— Berria.eus (@berria) June 3, 2015Kontrako aldean, alegia, plano positiboan aipatu ditu Greenpeacek Gipuzkoan eta Nafarroan hondakinen gaikako bilketaren alde abiatu diren ekimenak. Besteak beste, atez ateko bilketa eredugarritzat jo du, eta baita zero zabor mugimenduari herritarrek emandako babesa ere, zeinaren bidez, besteak beste, Zubietako errauste planta bertan behera geratu den.
