Athletic Eup! kolektiboak Josu Urrutiaren aldeko apustua iragarri du etziko hauteskundeetan, "klubaren zuzendaritzan aldaketaren alde, eta Josu Urrutiaren kandidaturak dakartzan haize berriengatik".
Erabaki hori "barne eztabaida" handiaren ondorio dela jakinarazi du kolektiboak, baina kluba beste era batera gestionatu daitekeela eta gestionatu "behar" dela uste dute. Argi utzi dute halaber, babes hori ez dela Urrutiari luzatutako "txeke zuria". Izan ere, presidente hautatua edonor dela ere euren babesa izango duela onartu dute, baina era berean, zuzendaritzaren erabakiren bat euren ustez "klubaren kalterako" balitz, kritikatu egingo dutela ohartarazi dute.
Athletic Eup! kolektiboak babesa iragarri dio Urrutiari
Iruzkinak
Ez dago iruzkinik
Ordenatu
