Aturriren eskuin bazterra berrantolatu nahi dute Baionak eta Euskal Elkargoak

BAIONA. Jean Rene Etxegarai Baionako auzapez eta Euskal Hirigune Elkargoko lehendakariak Aturriren eskuin bazterreko hirigintzako berrantolaketa proiektuaren berri eman zuen atzo. Egitasmoak auzoaren «izaera propioa» mantentzea du xede, ingurumena kezka nagusitzat ukanda. Modu parte hartzailean egin nahi dute gogoeta. Lur guztiez laster jabetuko direla ziurtatu zuen Etxegaraik. Eta, lausoa izan bazen ere, hamabost urteko epea eman zion proiektuari.