Eusko Legebiltzarreko SA Sozialista Abertzaleak taldea desegin ez zutelako hasi zuen EAEko Auzitegi Nagusiak parlamentu horretako presidente eta mahaiko kide izandakoen kontrako auzibidea.
Horrenbestez, auzitegi horrek aurrera jarraituko du Joan Mari Atutxa Eusko Legebiltzarreko presidente izanaren (EAJ), eta Gorka Knorr (EA) zein Kontxi Bilbao (EB) mahaiko kide ohien kontrako auzibidearekin. 2003an SA taldea desegiteari uko egin zioten, eta, ondorioz, desobedientzia delitua egozten die EAEko Auzitegi Nagusiak, Espainiako Auzitegi Gorenaren agindua ez zutela bete iritzita.
Konstituzionalean babes helegitea aurketu zuten hirurek, eta hura ebatzi arte prozedura eteteko galdegin zuten helegite baten bidez. Auzitegiaren arabera, helegite hori ez da bideragarria.
Politika
'Atutxa auziko' helegiteak atzera bota ditu EAEko Auzitegi Nagusiak
Espainiako Auzitegi Konstituzionalak babes helegiteari buruzko erabakia hartu arte beren kontrako auzibidea etetea eskatu zuten Juan Mari Atutxak, Gorka Knorr, eta Kontxi Bilbaok.
Iruzkinak
Ez dago iruzkinik
Ordenatu
