Espainiako Auzitegi Konstituzionalak berretsi egin du Juan Mari Atutxa, Kontxi Bilbao eta Gorka Knorren kontra Gorenak 2008an ezarri zuen zigorra, eta desobedientzia delituagatik ezingo dute kargu publikorik bete. Hirurek helegitea aurkeztu zuten Gorenaren erabakiaren kontra.
Sozialista Abertzaleak talde parlamentarioa ez desegiteagatik zigortu zituen Gorenak. Hasiera batean, EAEko Justizia Auzitegiak absolbitu egin zuen, baina Manos Limpias elkarteak herri akusazio modura helegitea aurkeztu zuen, eta nahiz eta fiskaltzak ez zuen kargurik aurkeztu, zigortu egin zituzten.
