Gaur zortzi izango da, Bilbon, euskal presoen eskubideen aldeko manifestazio "erraldoia" (17:30, Casilla), Herrira mugimenduak antolatuta, eta azken asteetan atxikimendu uholdea izan da.
Atzo, manifestaziora joateko deia egin zuten bederatzi alderdi politikok: Aralar, EA, ezker abertzalea, Alternatiba, Ezker Batua, Euskal Komunistak, Eusko Ekintza, Antikapitalistak eta Gorripide alderdiek. EAJk, dena dela, jakinarazi du ez dela martxan izango, aldarrikapenaren alde egiteko beste modu batzuk daudelakoan.
Bildutako atxikimenduek manifestazioa babesten dutenen "pluraltasuna" islatzen dute, Herrira-ren ustez. EAJri erantzunez, esan du "siglen gainetik" Bilbon izatea ezinbestekoa dela eta EAJren oinarri soziala eta militantzia bertan egongo direla.
Halaber, aste honetan iragarri du Herrira-k 500 lagunen atxikimendu zerrenda.
Hiri eta herrietan urtarrilaren 12ko deialdiaren aldeko ekimenak egiten ari dira. Azpeitian, kasu, ehunka lagun bildu dira mosaiko bat egiteko (bideoan).
