Atxilotu dute Barañainen aizkoraz larri zauritu duen lagunaren ustezko erasotzailea

Gaur goizean Barañainen (Nafarroa) goizeko zazpi eta erdiak aldera pertsona batek beste bati hainbat aizkorakada eman dizkio, eta harrezkero herriko Udaltzaingoa, Foruzaingoa, Espainiako Polizia eta Guardia Zibila erasotzailearen bila aritu dira. 11:50 aldera atxilotu du ustezko erasotzailea Guardia Zibilak, Azkoien-en (Nafarroa).

Atxilotutakoa 57 urteko gizonezko nafarra da (J.A.U.V), Melidakoa sortzez eta Mutiloabeitiko bizilaguna. Erasoa jaso duena, gizonezkoa da (I.P., 45 urte) eta larri dago Nafarroako Ospitalera; hala ere, ez du hiltzeko arriskurik.

Zabaldu den hipotesiaren arabera, lan arazoak leudeke erasoaren oinarrian. Biktimak lanbide liberal bat duela agertu dute, eta ordain konturen bat legokeela tartean.