Ertzaintzak 17 urteko mutil bat atxilotu du gaur eguerdian Bilbon, atzo bi lagun labankadaz zauritu zituela egotzita. Erasoan beste hiru adintxikikok hartu zuten parte, eta horiek ere atzeman ditu Ertzaintzak, Eusko Jaurlaritzako Herrizaingo Sailak dioenez.
Bi biktimak erietxera eraman zituzten, eta haietako bat oso larri dago. Besteari sendagiria eman diote gaur.
Begoña auzoan izan zen erasoa, gauerdian. Erasotzaileak bati sabelaldean sartu zion labana, besteari bizkarrean, betiere aipatutako iturrien arabera. Biktima batek eman zion gertaeraren abisua Ertzaintzari, baina hau hara heldu zenerako erasoaren egileak ihes eginak ziren.
gizartea
Atxilotu dute Bilbon bi lagun labankadaz zauritu dituen adintxikikoa
Biktima bat oso larri dago. Besteari sendagiria eman diote gaur.
Iruzkinak
Ez dago iruzkinik
Ordenatu
