Lekukoek esan zutenez, gaztea atxilotu zutenean zaurituta zegoen, Ertzaintzak borraz jo baitzuen, aurretik.
Atxilotua ez zen izan istiluetan zauritutako bakarra. Ertzaintzaren kargekin eta kolpeekin zaurituak ugari izan ziren, eta Herrizaingo sailak jakinarazi zuenez sei ertzain ere zauritu ziren, denak arin.
Atxiloketak
Atzo Bilbon atxilotutako gaztea epailearen eskuetan utzi dute
Atzo goizean Bilbon istiluak izan ziren Ertzaintzaren eta Bilbo Zaharrean zebiltzan gazteen artean. Istiluetan hainbat gazte eta sei ertzain zauritu ziren, eta Ertzaintzak gazte bat atxilotu zuen. Herrizaingo sailak jakinarazi duenez atxilotutako gaztea epailearen esku utzi dute gaur. Goizeko 9:50ean Ertzaintzaren patruila bat Bilbo Zaharrera joan zen, Herrizaingo sailaren arabera, anbulantzi bati pasatzen laguntzera. Herrizaingo sailak esan duenez, kalean zeudenek objektuak bota zizkioten Ertzaintzari, eta istiluak hasi ziren.
Iruzkinak
Ez dago iruzkinik
Ordenatu
