Aurreneko aldia zen Valdefresnoko ganadutegiko zezenak Iruñean aritzen zirena, Cebada Gagokoak azken orduan ordezkatu eta gero.
Hasi bezain azkar, zezen batek aurrea hartu die gainontzekoei, eta bitan banatu da taldea; joaldun batekin batera, biak joan dira aurretik, eta 40 metro inguru ere aurreratu zaie beste zezenei.
Oso azkar joan dira aurrekoak, eta, taldea banatuta, arrisku handiko uneak izan dira. Lasterkari asko erori dira ibilbide osoan, baina ez da inor larri zauritu, eta zezenek ez dute inor adarkatu. Bi lagun artatu dituzte erietxean, kolpeak hartuta.
Plazara sartuta, zuzenean sartu da talde ia osoa zezentokira. Joaldun bat, ordea, ez da sartu, eta ia plazatik atera da. Sarreran geratu da, eta bertan hil da.
