EH Bilduk "eskua luzatuta" duela nabarmendu du Pinedok. Haren esanetan, koalizioak "determinazio argia" du "elkarrizketarako" eta "pentsio eta lanpostu miserableak" dituzten pentsiodun, alargun eta gazteentzako bizi baldintzak "hobetzen hasteko".
EH Bilduren proposamena "ekonomikoki bideragarria" dela ziurtatu du Pinedok, eta Eusko Jaurlaritzak dituen ahalmenei egokitutakoa dela gaineratu du.
Hori dela eta, Jaurlaritzeren aurrekontu proiektuaren onarpena Jaurlaritzaren borondate politikoaren menpekoa dela nabarmendu du. "Urkulluren gobernua gutxiengoan dago eta gutxienez bi abstentzio behar ditu kontuak onartzeko. Gure proposamena argia, bideragarria eta zehatza da. Eskua luzatuta daukagu. Badakigu gobernua proposamena seriotasunez aztertzen ari dela eta baiezko erantzuna espero dugu, kontrakoa zentzugabekeria litzatekeelako", adierazi du.
