Gaur goizean sute bat izan da Arrotxapea aparkaleku batean, eta auto bat erre eta beste lau kaltetu ditu suak. Ilundain eskolaren atzealdean izan da sutea, eta Iruñeko udaltzaingoak jakinarazi duenez ez da zauriturik izan.
Goizeko 06:27ean jaso dute deia larrialdi zerbitzuetan. Suhiltzaileak joan dira. Suaren ondorioz erre den autoren erregai biltegia lehertu egin da. Udaltzainak gertatutakoa ikertzen ari dira.
