Auto batek harrapatuta 64 urteko gizonezko bat hil da Eguesibarren

64 urteko gizonezko bat hil da gaur goizean Eguesibarren (Nafarroa), 6:55ean, auto batek harrapatuta. PA-33 errepidean izan da istripua, 0,5. kilometroan, Areta biribilgunea eta Mendillorri Iruñeko auzoaren artean.

Iruindarra da hildakoa, A.P.P. Foruzainen arabera, errepidea gurutzatzen ari zen hura eta Audi A-3 markako auto batek harrapatu egin du orduan. 27 urteko iruindar gaztea da auto horretako gidaria; ez du zauririk izan honek.

A.P.P. kolpea hartu eta berehala zendu da.