Urduñako irteeran, Amurriora (Araba) joateko bidean, gertatu da istripua, 09:30 aldera. Jaurlaritzako Herrizaingo Sailaren arabera, argitzeke dago gidariak zergatik galdu duen autoaren kontrola eta zergatik irten den bidetik. Gainera, ezbeharra bihurgunerik gabeko zati batean gertatu dela nabarmendu dute.
Bidetik atera ondoren, zutoin bat jo du autoak, eta gidaria, bidaiari bakarra, hondakinen artean harrapatuta geratu da. Hilda atera dute. 44 urteko gizonezko bat zen, Plentziakoa (Bizkaia).
Errepideak
Auto gidari bat hil da Urduñan
Errepide ezbehar handia gertatu da Urduñan (Bizkaia): BI-625 errepidean auto bat bidetik atera da, eta zutoin bat jo du. Ondorioz, gidaria, gizonezko bat, hil egin da. Bera bakarrik zihoan autoan.
Iruzkinak
Ez dago iruzkinik
Ordenatu
