Auto gidari bat hil da goizean Zeanurin, bere ibilgailuarekin kamioi baten aurka talka eginda, Eusko Jaurlaritzako Herrizaingo Sailak esan duenez.
Hildakoa Xabier Zabarte BERRIA Taldeko publizitate arloko langilea da; Bilboko ordezkaritzan aritzen zen. Aurretik Egunkaria-n jardun zuen, 1992tik 2003ra, kazeta itxi artean. 46 urte zituen eta Zaldibarkoa zen.
Bederatziak baino pixka bat lehenago izan da istripua, N-240 errepidean, Ubideako zuzengunean. 10:30ean artean trafikoa itxita zegoen.
