Emakumezko bat auto barruan Oria ibai gainean zintzilik geratu da Orion, baina erreskatatzea lortu dute suhiltzaileek. Herrizaingo Sailak agertu duenez, goizeko zortzi eta erdiak aldera emakumezko horrek gidatzen zuen autoa bidetik atera da N-634 errepidean, Saikola eta Botaleku auzoen artean. Ibai ertzean geratu da, doi-doi Oriara erortzeko zorian.
Nolanahi ere, suhiltzaileek emakumea erreskatatzea lortu dute, eta baita autoa ateratzea ere garabi berezi baten bidez. Emakumea zaurituta dagoela agerrtu du Herrizaingo Sailak, baina ez du zehaztu zaurien larritasuna zenbaterainokoa den.
Istripuaren ondorioz errepidea etenda egon da pare horretan noranzko bietan, baina laster ireki ahal izan dute bideetako bat.
Errepideak
Autoarekin ibai gainean zintzilik geratu den emakume bat erreskatatu dute Orion
Zaurituta dagoela agertu du Jaurlaritzako Herrizaingo Sailak, baina larriak ote diren ez du argitu. Istripuaren ondorioz N-634 errepidea etenda egon da Orio (Gipuzkoa) parean, Saikola eta Botaleku auzoen artean.
Iruzkinak
Ez dago iruzkinik
Ordenatu
