Autobus zerbitzua eten egin du Bilbobusek, istiluengatik

Errekalde auzorako autobus zerbitzuak bertan behera utzi zituen atzo egun osorako Bilbobusek. Gordoniz kalean zirkulazioa etenda izan zen, eta autobusek ibilbidea aldatu behar izan zuten; Ametzolatik ez ziren pasatu. Bilboko Udalak salatu du autobus bati harriak bota zizkiotela, eta kristal bat hautsi.