Hiru indar politikoetako ordezkariek salatu egin dute Kongresuaren Mahaian PPren gehiengoak erabakitzeko eskubidearen inguruko euren ekimena onartzea galarazi izana —PSOE eta CiU proposamenaren alde agertu ziren—. Haien arabera, "aurrekari oso larria" da, horrek aldi berean eztabaida politikoa galaraztea dakarrelako. Amaiurreko Rafa Larreina, ERCko Alfred Bosch eta BNGko Guillerme Vazquez Bilbon izan dira gaur goizean.
Kongresuko Mahaiaren erabakiak agerian uzten du "defizit demokratikoa", Larreinaren ustetan. Hilaren 7an erabakitzeko eskubidea arautzeko eskatu zuten hirurek, eta autodeterminazio eskubidea Espainiako legedian sartzeko lege egitasmoa aurkeztu zuten Kongresuan.
