Kamioi baten eta auto baten arteko istripua izan da Andoainen (Gipuzkoa), N-1 errepidean, eta ezbeharrak autoilaka luzeak eragin ditu Donostiako noranzkoan. Sei kilometroko luzera izatera iritsi dira. Istripua izan duten ibilgailuak kendu dituzte bidetik, baina autoilarak ez dira desegin oraindik.
Zornotzan (Bizakaia) ere, autoilarak sortu dira istripu baten ondorioz. N-634 errepidean gertatu da istripua eta bi noranzkoetan pilatu dira ibilgailuak. Ertzaintza txandaka ari da ematen bidea.
