Auzipetuek bi hitzaldi eman dituzte, Madrilgo taldeek gonbidatuta

Senide, lagun eta Euskal Herritik Madrilera joandako eragileen elkartasuna jaso dute auzipetuek, epaiketaren lehen lau saioetan. Horrekin batera, egun hauetan Madrilgo hainbat talderen babesa ere jaso dute, epaitegian zein kalean. Talde horiek gonbidatuta, bi hitzaldi egin dituzte auzipetuek; bata Madrilen eta bestea Torrejon de Ardoz herrian. Talde horietako kideek, halaber, afixak banatu dituzte kaleetan.