Beñat Atorrasagasti eta Jokin Aranalde atxilotu eta epailearen aitzinetik pasatu zituztelarik biharamunean, ez zen haien kontrako euroagindurik. Schengen-eko akordioetan oinarrituta atxilotu zituen Poliziak. Orandik Aranaldek ez du bere kontrako euroaginduaren berri; atxiloketak EIPKren bide orria estaltzeko ahalegina direla erran du.
Amaia Errekarte abokatuak nabarmendu du euroagindu horietan aipatzen diren gaiak zaharrak direla eta torturapean lortutako adierazpenetan oinarritzen direla. Heldu den asteartean aztertuko ditu hiru kasuak Paueko auzitegiak.
