Espainiako Auzitegi Naizonaleko epaile Eloy Velascok Interpoli eskatu dio baiezta dezala gaur El Mundo egunkariak argitara eman duen informazioa: hau da, Iñaki de Juana Chaos preso ohia Venezuelan bizi dela. Izan ere, 2008ko azarotik Iñaki de Juana Chaos preso ohia bilatu eta atxilotzeko agindua emana dago.
Informazioa baieztatuko balute, estradizio eskaera hasiko luketeela adierazi dute epaitegietako iturriek.
Aurrekariak
2008an aske utzi zuten euskal presoa, zigorra bete eta 21 urte espetxea egin ostean. Hilabete gutxira ordea Espainiako Auzitegi Nazionalak De Juana atxilotzeko agindua eman duen, presoari Donostian egin zioten ongietorrian "terrorismoa goratzea" egotzita. De Juana ez zen izan bertan baina bere izenean eskutiz bat irakurri zuten.
Preso ohia Irlandan izan zen denboraldi batez. Handik Espainiara estraditatzeko eskaerari baiezkoa eman zion epaile batek 2009an.
