Herenegun, Global Pantelaria izeneko funtsak bere jabetzakoa den eraikin bat hustu zuen Bilboko San Frantzisko auzoan, eta gutxienez han bizi ziren lau lagun kaleratu zituen. AZET Alde Zaharreko Etxebizitza Taldeak gogor salatu du etxegabetzea, eta zehaztu du lau pertsona horiek —baliteke gehiago ere izatea— kalean bizi direla orain.
AZETek esan duenez, San Frantzisko auzoa «espekulazio eremu» bihurtu da, eta horren erantzule egin ditu «auzoa irabazi errazak metatzeko aukera moduan hartu duten putre funtsak eta bankuak» eta turismoaren industria bultzatzen duten instituzioak.
Auzokideei «antolatzeko» deia egin diete: «Sarraskijale horiek poltsikoak inolako mugarik gabe betetzen jarraitzeko arazo bakarra gu gara. Auzokideontzat, antolatzea hil ala biziko betebeharra da».
AZETek putre funtsen jarduera salatu du, Bilbon
Iruzkinak
Ez dago iruzkinik
Ordenatu
