Miarritzeko beilatokian bildu ziren atzo 300 lagun inguru Didier Rouget abokatuarengertukoak hari azken agurra egiteko. Parisen jaioa zen, eta azken urteetan Uztaritzen bizi izan zen. Agurrean izan ziren gizarte nahiz politika munduko ordezkariak, besteak beste, Amaia Izko abokatua eta Gabi Mouesca Harrerako kidea.
Rougeten emazte eta seme-alabek haren ibilbidea nabarmendu zuten, eta baita Euskal Herriarekin nahiz asktasunarekin zuen konpromisoa ere. Izan ere, giza eskubideen alorrean eta euskal gatazkan egindako lanagatik zen ezagun abokatua.
Dena den, Rougeten senideek iragarri dute urtarrilaren amaieran omenaldi xumea egingo diotela.
Rouget joan den urtarrilaren 6an hil zen, 62 urte zituela, gaitz luze baten ondorioz.
