AEMET Meteorologia Agentziak eman dituen datuen arabera, Araban, Bizkaian eta Gipuzkoan azkeneko 60 urteetako negurik euritsuena izan da aurtengoa. Donostian urtea hasi denetik 680 litro jaso dituzte metro karratuko; 1931. urtetik ez zuen hainbeste euri egin Gipuzkoako hiriburuan. Bilbon 637 litro jaso dituzte metro karratuko; azkeneko hamarkadetan euri gehien egin duen negua izan da. Eta Gasteizen 540 litro; Arabako hiriburuan 1954. urtetik ez zuen hainbeste euri egin negu batean.
Nafarroan ere aurreko urteetan baino euri gehiago egin du negu honetan. Azkeneko urteetako otsail euritsuena izan da aurtengoa.
