Jose Maria Aznar Espainiako Gobernuko presidente ohiak aitortu du bere agintaldian (1996-2004) ETArekin harremanak izan zituztela, "baina ez negoziazio politikoa egiteko". Borroka "antiterroristan", haren ustez, "egin behar dena egin behar da". "Ez dezagun [ETArekin] berriro denborarik galdu", esan du gaur PPko ohorezko presidenteak, TVEn.
Espainiako gobernuburu izan zen garaian berekin "ez GALik eta ez Faisanik" ez zela izan azpimarratu du; "ez genuen antolatu gerra zikinik, eta salakeriarik ere ez zen izan, ETAkoen atxiloketak saihesteko".
Espainiako Estatuan autonomiez gaur dagoen eztabaida "ideia ona" ez dela dio, eta Espainia "zirpiltzen" ari dela uste du. "Marra arriskutsua gainditu dugu".
politika
Aznar: "Ez dezagun ETArekin berriro denborarik galdu"
Espainiako presidente ohiak aitortu du bere garaian erakunde armatuarekin harremanak izan zituztela, "baina ez negoziazio politikoa egiteko".
Iruzkinak
Ez dago iruzkinik
Ordenatu
