Abenduaren 6an hasi eta 10ean amaituko da aurtengo Durangoko azoka. Ongi Etorri irakur daiteke Miriam Peña durangarran azoka iragartzeko egin duen afixan. Aurten, bidaiak izango dira azokako gai nagusia eta gai hori ardatz gisa hartuta mahainguru eta hitzaldi desberdinak egingo dituzte Durangon.
Euskal bidaiariekin berriketaldi bat antolatuko dute eta euskal musikariek mundu osoan egindako birei buruz hitz egingo dute mahainguru batean. Bi ekitaldi berezi ere egongo dira. Batetik Gora Vasco Argentinan egin duten film-dokumentalaren estreinaldia eta bestetik Pata Negra eta Karidadeko Benta taldeek eskainiko duten kultur arteko kontzertua. Rafaek Amador musikariaren taldean "Rock gitanoa" da nagusi eta Jon Maia bertsolariaren taldeak bertsoak eta koplak ditu oinarri. Plateruenea Kafe Antzokian eskainiko dute kontzertua abenduaren 7an 21:30ean.
Aurkezpen ekitaldiak hiriburuetan
Gerediaga Elkarteak aurkezpen ekitaldi bereziak egingo ditu aurten azokaren berri emateko. Gasteizen, Baionan, Iruñean eta Donostian egingo dira aurkezpen ekitaldi horiek, Durangoko prentsaurreko nagusiaren ostean.
Helburu nagusia, Bizkaiaz gaindiko herrialdeetako bisitariei Azokaren berri ematea izango da. Horretarako mahainguru, prentsaurreko eta hitzaldik antolatu dituzte:
Gasteiz. Azaroak 23, osteguna
Mahaingurua: Euskal bideoklipak
Partaideak: Ritxi Aizpurua Ohiuka diskoetxea, Ines Osinaga Gose musika taldekoa, Iban Ezkerra Oliba Gorriak musika taldeko kidea eta MusikHerria elkarteko ordezkari.
Tokia: Montehermoso kulturetxea
Ordua: 19:30etan.
Baiona. Azaroak 24, ostirala
Prentsaurrekoa Iparraldeko komunikabideentzat
Tokia:Elkar Megadenda
Ordua:11:30etan.
Iruñea. Azaroak 27, astelehena
Hitzaldia eta diapositiba emanaldia: “El vasco de la carretilla”.
Hizlaria: Txema Urrutia idazlea (Txalaparta argitaletxearekin izen berdineko liburua argitaratuta dauka)
Tokia: Zaldiko-Maldiko elkartean.
Ordua: 19:30etan.
Donostia. Azaroak 30, osteguna
Mahaingurua: Euskarazko bidaia-liburuak.
Partaideak: Iñaki Mendizabal Elea argitaletxea, Juan Martin Elexpuru idazlea eta Urtzi Urrutikoetxea . Moderatzailea: Aitor Elduaien Bidaide irratsaioko esataria.
Tokia: Liburutegi Zaharreko aretoan.
Ordua: 19:30etan.
Durangoko 41. Azoka
Azokaren berri emateko ekitaldiak egingo dituzte hiriburuetan
Hurbiltzen ari da Durangoko 41. Euskal Liburu eta Disko Azoka. Aurten ahalegin berezia egingo dute azokaren berri Euskal Herriko hainbat tokitan emateko. Gaur azoka iragarriko duen kartela eta gai nagusia aurkeztu dituzte: Bidaiak.
Iruzkinak
Ez dago iruzkinik
Ordenatu
