Eskiatzera joana zen gaztea lagunekin batera Frantziako La Mongie eski estaziora, Pirinioetan. Ordea, lagunek abisua eman zuten atzo arratsaldean, 24 urteko gazte azpeitiarra desagertua zela. Larrialdi zerbitzuak berehala hasi ziren bilaketa lanetan. Gorpua gaur goizean aurkitu dute.
Frantziakoa ez zen izan atzoko ezbehar bakarra. Larunbat iluntzeko 20:30ak aldera, trenbidea gurutzatzen ari zen 18 urteko gaztea harrapatu zuen trenak. Istripua Legazpiko tren geltokian gertatu zen. Ertzaintzak ikerketa abiatu du.
