Azterketa soziolinguistikoa egiteko eskatu du NaBaik

IRUÑEA. Nafarroa Baik mozio bat aurkeztu du Nafarroako Parlamentuan, eta agiri horretan, gobernuari eskatzen dio Eusko Jaurlaritzarekin adosteko bost urtetik behin egiten den euskararen inguruko azterketa soziolinguistikoa nola egin. Azken azterketa 2006an egin zen, eta hurrengoa datorren urtean egin beharko litzateke. Maria Luisa Mangado legebiltzarkideak gogorarazi du azterketa horren bidez euskarak zer bilakaera izan duen ezagutu nahi dela.