Adingabeko neska batek Baionako jaietan bortxatu egin zutela salatu du. Haren arabera, gertakaria festetako azken gauean izan zen, igandean. Horrekin, hiru dira Lapurdiko hiriburuko jaietan izandako bortxaketa salaketak. Beste emakume batek ere parte sartu zuen, baina atzera egin zuen gero.
Baionako Udalak oso larritzat jo ditu gertakariak, eta azaldu du hiru sexu erasoren salaketa jaso ostean ezin duela aurtengo festen balantze baikorra egin. Iragarri du Baionako polizia etxean indarkeria pairatzen duten emakumeei laguntzeko gizarte langile bat egongo dela.
Asteartean elkarretaratzea egin zuten Baionan, bortxaketak gaitzesteko eta Jean Grenet auzapezari kontuak eskatzeko.
54 urteko gizon bat epailearen aitzinera eramango dute gaur, bortxaketetako baten ustezko egilea izateagatik.
