Baionako ospitaleko larrietaldietako mediku bat atxilotu dute, "eutanasia aktibo" kasu bat leporatuta.
Poliziak azken bost hilabeteetan gertatutako lau heriotzaren inguruko ikerketa zabaldu du. Atxilotze agindua azken kasuaren harira etorri da, medikuak, ustez, 92 urteko emakume bati egin dio eutanasia. Emakumea abuztuaren 2an hartu zuten ospitalean, eta hurrengo egunean bertan hil zen. Larrialdi saileko langileek ospitaleko zuzendaritzari ohartarazi zioten ez zela berezko heriotza kasu bat izan; horiek Poliziari abisatu diote.
Azken asteetan ospitalera etorritako zenbait agureren heriotzari susmoa hartuta, langileek eman zieten parte ospitaleko goi-karguei.
Ospitaleko arduradunek agerraldia eskaini dute arratsaldean atxiloketari buru hitz egiteko. Oso larrituta daudela esan dute eta txilotutako medikuaren errugabetasun presuntzioa errespetatzen dutela eta langileenganako konfiantza dutela adierazi dute.
Heriotza duin baten aldeko elkarteen ustez, gaixo horiek benetan hilzorioan bazeuden eta beren baimenarekin egin bazien eutanasia, medikuak ez luke zigortua izan behar.
Poliziak atzo goizean atxilotu zuen medikua; Baionako polizia etxean dago orain, atxiloaldi prebentiboan.
Frantzian legez kanpokoa da eutanasia.
