Astelehenean aurkeztuko dute Lokarrik eta Bake Bideak bake prozesua bultzatzeko osatu duten batzordea, Aieteko Jauregian (11:30). Ibilbide aniztuneko zortzi lagunek osatuko dute batzorde hori, eta Foro Sozialaren gomendioak bake prozesuan inplikatuta dauden eragileen baitan zabaltzea eta kudeatzea izango da haren egitekoa.
Lokarrik eta Bake Bideak gogorarazi dute 2013ko maiatzean aurkeztu zutela Foro Sozialaren hamabi gomendioak barne biltzen dituen metodologia: desarmea, preso eta iheslarien etxeratzea, giza eskubideen bermea eta iraganari aurre egitea ziren bertan gai nagusiak, eta batzorde horren lana gomendio horiek zabaltzea eta kudeatzea izango da.
