Info Zazpi irratian elkarrizketatu dute Jonan Fernandez Eusko Jaurlaritzako Bake eta Elkarbizitzarako idazkaria. Bertan aitortu du bake prozesua "apur bat trabatuta" dagoela "bizikidetzaren egonkortzeari" dagokionean, eta Espainiako Gobernuari eskatu dio alor horretan bila dezala adostasuna Eusko Jaurlaritzarekin.
Fernandezek azaldu du bere lantaldeak jardun behar duela "giza eskubideak jokoan dauden egoeretan ere", eta aitortu du Sevilla II espetxeko presoen egoeran esku hartzen saiatu dela, "legearekin bat ez datozen isolatze egoerak amai daitezen".
Bake Plana defendatu du, uste baitu alderdiek proposamenak egin ondoren "hobetuta eta sendotuta" atera dela plana. Halaber, nabarmendu du "zoru etikoa" deiturikoa ez dela inoren kontrakoa, "abiapuntua" baizik.
