Bake prozesua "modu eraginkorrean" eteteko eskatu dio Sanzek Zapaterori

Nafarroako presidente Miguel Sanz, Barañaingo UPNko zinegotziaren dendan izan da gaur. Bertan Jose Luis Rodriguez Zapatero Espainaiko Gobernuko presidenteari zuzendu zaio eta bake prozesua "modu eraginkorrean" eteteko eskatu dio. Jose Antonio Mendibe Barañaingo UPNko zinegotziaren burdindegia kiskalita agertu zen larunbatean. Sanzen hitzetan gertatutakoa "atentatu terrorista" izan zen. Egilea nor izan zen jakina ez bada ere, sua nahita eragin zela adierazi zuen larunbatean bertan Vicente Ripa Espainiako Gobernuak Nafarroan duen ordezkariak.