Bakioko erasoa egiteko ustez erabili zen labana aurkitu dute

BAKIO. Ertzaintzak amildegi batean aurkitu du, Bakion (Bizkaia) bikote gazte bati eraso egiteko ustez erabili zen labana. Herrizaingo Sailak berri eman duenez, erasoa izan lekutik gertu dagoen amildegi batean zegoen labana, baina ikusteko oso leku zailean. Erasoa egotzita 32 urteko gizonezko bat espetxean da. Bikotea arriskutik kanpo dago.