Bakion EAJ izan zen maiatzaren 24ko udal hauteskundeetan boto gehien jasotako indarra (5 hautetsi), baina alkatetza EH Bilduk (4) hartuko du, Bakiobai talde independenteak (2) babestuta, azken horrek jakinarazi duenez. 1979tik EAJ dago agintean Bakion.
Amets Jauregizar EH Bilduko kidea izango da alkate berria, etziko inbestidura saioan kargua hartuta. Legealdi honetan Aitor Apraiz izan da, eta orain alkategai zen.
Bakiobaik esan du ez duela koalizioarekin agintaldiko ituna sinatuko, eta oposizioan ariko dela, "modu eraikitzaile batean".
