Eusko Jaurlaritzako Segurtasun Sailak jakinarazi duenez, baldintzapean aske utzi dute bi gaztetxoen—13 urtekoak biak, bikiak— aita. Lau egunez atxilo eduki dute gizonezkoa, eta epailearen aurretik igaro ostean utzi dute aske. Azaldu dute hainbat ikerketa egin dituztela bi gaztetxoak zerk eritu zituen ikusteko, baina sekretupean dago sumarioa, eta deus gutxi jakin ahal izan da orain arte.
Aitak inolako inputaziorik duen ez dute argitu ertzainek; ama inputatuta dagoela esan dute hainbat hedabidek, baina hori ere ez dute baieztatu.
