Parisko Dei Auzitegiak baztertu egin du berriro ere Frederik Haranburu Txistor baldintzapean askatzeko eskaera.
Senpereko presoari 1990. urtean ezarri zioten bizi guztiko espetxe zigorra, eta 2013an egin zuen baldintzapean aske geratzeko lehen eskaera. Iragan martxoan, baldintzapean askatzeko eskaera atzera bota zuen Frantziako Justiziak, baina helegitea aurkeztu zuen Haranbururen abokatuak. Helegitea, ordea, ez du aintzat hartu epaitegiak, Kazeta.eus atariak jakinarazi duenez. Bihar ezagutaraziko dute helegitea zergatik baztertu duten.
