Balioei eusten dien ekonomista

Titulu, ikerketa eta lan oparoz jantzitako curriculuma du. Ekonomian doktore da; EHUko Ekonomia Aplikatua sailean, Garapen Ekonomia, Nazioarteko Ekonomia Harremanak, Herri Ogasuna, eta Ekonomia Politikoa irakasten ditu; Euskal Herriko zein nazioarteko ekonomian aditua da, eta ikuspegi feminista gehitzen die azterketa etengabeei. Euskal Herriko ekonomiari, arrantza zein nekazaritzari, berrikuntza sistemei eta burujabetza ekonomikoari buruzko lanak argitaratu ditu, eta eztabaidarako lan ugari prestatu ditu ekonomia eta emakumeari lotutako gaietan. UEUko kide da, eta Hegoa Unibertsitate Institutuan ere ari da. Ekonomiaren izaera materialistatik urrun ezkerreko balioak izanik, diruari erreparatu ordez zoriontasunari begiratzen dio.