Balmasedako batzokiko kristalak hautsi dituzte eta pintura jaurti diote

Jaurlaritzako Herrizaingo Sailak jakinarazi duenez, Balmasedako (Bizkaia) batzokiari eraso diote bart: batetik, ate eta leihoetako kristalak hautsi dituzte, eta, bestetik, margo hori eta gorriarekin zikindu dituzte hormak. Bart gauean izan da erasoa, baina goizeko zazpi eta erdiak arte ez da inor ohartu.