Barakaldoko salestarren eskolan sute bat piztu da

BILBO. Sute bat gertatu zen atzo Barakaldon (Bizkaia) salestarren eskolan, Burtzeña auzoan. Goizaldean hasi ziren garrak zabaltzen, eskolako biltegitik, eta berehala hedatu ziren. Sua zerk eragin zuen ez dago argi, baina susmo bat badago: lapurreta bat egin zuten, itxura denez, eskolan, eta horren ondorioz piztu ziren garrak. Ez zen inor ere zauritu sutean.