BARCINA, 'HONORIS CAUSA' DOKTORE

Peruko Ignazio Loiolakoaren Unibertsitateak honoris causa doktore izendatu du Yolanda Barcina Nafarroako presidentea. Barcinak eskertuta hartu du izendapena. «Ohore handia da niretzat unibertsitate honek halako izendapen bat ematea». Unibertsitateek ekintzaileak prestatzeko duten garrantzia nabarmendu du Barcinak. «Errealitate berriei erantzuteko moduak bilatu behar ditugu». Nafarroako Gobernuak hitzarmen bat sinatu du unibertsitate horrekin.