BARCINA, UNIBERTSITATE PUBLIKOAN

Yolanda Barcina Nafarroako Gobernuko presidenteak kargua hartu ondorengo lehenengo bilera egin zuen, atzo, Julio Lafuente NUP Nafarroako Unibertsitate Publikoko errektorearekin. Bilera informala izan zen, presidentea herrialdeko erakundeetara egunotan egiten ari den bisiten barruan kokatutakoa, baina, dena dela, Barcinak eta Lafuentek unibertsitateari lotutako hainbat gairi buruz hitz egin zuten; besteak beste, NUPen finantzaketaz eta Iberus proiektuaz.